Էդուարդ Թոփչյանը ղեկավարելու է Իսպանիայի նվագախմբերից մեկը
Գիտություն և Մշակույթ
«Կարծում եմ՝ մենք շատ լավ ենք աշխատել. եղել են պահեր, որ գոհ ենք եղել համերգներից: Մենք շատ քննադատաբար ենք վերաբերվում մեր քայլերին, այդ իսկ պատճառով եղել են պահեր, որ ստեղծագործական առումով բավարարված ենք եղել մեզանից», – ասաց Հայաստանի պետական ֆիլհարմոնիկ նվագախմբի գեղարվեստական ղեկավար ու գլխավոր դիրիժոր Էդուարդ Թոփչյանը՝ ամփոփելով անցնող տարին:
Նա ուրախությամբ տեղեկացրեց, որ երկու օր առաջ ուրախալի լուր է ստացել Իսպանիայի սիմֆոնիկ նվագախմբերից մեկից և հունվարից, որպես գլխավոր դիրիժոր, կղեկավարի Իսպանիայի նվագախումբը:
«Ցավոք սրտի, ավելի քիչ եմ լինելու Հայաստանում։ Սակայն ուզում եմ շարունակել Ֆիլհարմոնիկի հետ. իմ երազն այն է, որ կարողանամ մոտ ապագայում այն տեսնել աշխարհի ամենալավ նվագախմբերից մեկը», - ասաց դիրիժորը։ Նա նշեց, որ ապագայում որոշ քայլեր է կատարելու և պետք է դիմի համապատասխան մարմիններին:
«2012 թ.–ին Ֆիլհարմոնիկը համերգներով հանդես կգա Դուբայում, հոկտեմբերին ու նոյեմբերին՝ Եվրոպայում (Գերմանիա, Ավստրիա, Իսպանիա, Իտալիա)»,– տեղեկացրեց Էդուարդ Թոփչյանը: Նրա խոսքով՝ աշխատանքներ են տարվում Ֆիլհարմոնիկը Կորեա, Չինաստան ու Ճապոնիա տանելու ուղղությամբ:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
