Մասնագետները նկարագրել են iPhone-ին հետևելու նշանները

Մասնագետները խորհուրդ են տվել վերագործարկել iPhone-ը եւ փոխել գաղտնաբառը, եթե թվում է, թե հեռախոսին հետեւում են, հայտնում է ZDNet պարբերականը:

Լրագրողները պատմել են, թե ինչ քայլեր են անհրաժեշտ, եթե թվում է, թե iPhone-ը գաղտնալսվում է։ Նախեւառաջ անհրաժեշտ է վերագործարկել սարքը. եթե սարքի վրա հետեւելու համար ծրագիր է տեղադրված, ապա այն անջատելուց եւ միացնելուց հետո այն կբեռնաթափվի օպերատիվ հիշողությունից:

«Հաճախակի վերաբեռնումը կօգնի նաեւ կօգնի ձեր iPhone-ին արագ եւ սահուն աշխատել, եւ ես դա անում եմ շաբաթը մեկ անգամ»,- նշել է հեղինակը:
Լրագրողները նկարագրել են նաեւ սարքի վերագործարկումից հետո ձեռնարկվելիք հաջորդ քայլերը։ Փորձագետները խորհուրդ են տվել փոխել iPhone-ի գաղտնաբառը՝ բարդ թվային համադրություն ստեղծելով: Face ID-ի կենսաչափական սենսորի կամ Touch ID մատնահետքի սենսորի կարգավորումներում կարող է լինել մեկ ուրիշի դեմքի կամ մատնահետքի պատճենը: Այդ դեպքում պետք է վերակարգավորել սարքը հենց ձեզ համար:

Որպես հաքերային հարձակումների եւ հսկողության կանխարգելիչ միջոց՝ հեղինակները խորհուրդ են տվել հեռախոսը պահել ձեզ մոտ եւ չտալ այն քիչ ծանոթ մարդկանց։ «Սմարթֆոնը լցված է անձնական տեղեկություններով, եւ այն գաղտնի պահելու ցանկությունը նորմալ է»,- ամփոփել են լրագրողները։