«ՉԻ». Ես ուզում եմ ձուկ ուտել և կույս մնալ. Խոսրով Հարությունյան

««Ես ուզում եմ ձուկ ուտել և կույս մնալ», մեջբերելով ինչ-որ ասացվածք` իր ելույթում հայտարարել է Խոսրով Հարությունյանը»:

«ՉԻ» - Խոսրով Հարությունյանն ակնհայտորեն ոչ ստանդարտ պատկերացումներ ունի ձուկ ուտելու գործընթացի մասին, եթե կարծում է, թե դրա արդյունքում հնարավոր է զրկվել կուսությունից: Խոսրով Մելիքիչն առավել ևս սխալվում է, եթե կարծում է, թե ձուկ ուտելուց հրաժարվելը կույս մնալու անհրաժեշտ և բավարար պայման է: Խնդիրը, սակայն, դա չէ, այլ այն, որ նա փորձել է խորհրդարանի ամբիոնից արտասանած իր ելույթը համեմել բարոյախոսական երանգներով: Բայց, ինչպես ժամանակակից հայկական ասացվածքն է պնդում, «հնարավոր չէ և´ խորհրդարանում հայտնվել ՀՀԿ ցուցակով, և´ բարոյական մնալ»: Այսպես չի լինում: Չնայած՝ Խոսրով Հարությունյանը երևի չէր էլ հավակնում: Համենայն դեպս կարելի է վստահաբար պնդել, որ նա իր բարոյախրատական ելույթից հետո սուսուփուս «կողմ» է քվեարկել Վարդան Օսկանյանին պատգամավորական անձեռնմխելիությունից զրկելուն: Մարդը արդեն «ձուկը կերել է», ո՞նց «դեմ» քվեարկի: