Սիրիայում հնչած պայթյունների արդյունքում զոհերի թիվը հասել է 25-ի

Նվազագույնը 25 մարդ է զոհվել և տասնյակներ վիրավորվել Հալեպի կենտրոնում պայթուցիկներով զինված մեքենաների պայթյունի հետևանքով: Պայթյունները հնչել են կառավարական զորքերի ձեռքում գտնվող քաղաքի կենտրոնական հատվածում:

Սիրիայի կառավարամետ հեռուստաընկերությունները ցուցադրում են կենտրոնական հրապարակում ավերված շինություններն ու դիակներով ծածկված փողոցները: Հալեպի արևմտյան հատվածը գտնվում է նախագահ Ասադի, իսկ արևելյանը՝ ապստամբների ձեռքին: