Իվանիշվիլին արդեն ձևավորում է կառավարությունը. ԶԼՄ-ներ
Վրաստան
Բիձինա Իվանիշվիլին արդեն ձևավորել է իր նոր կառավարությունը՝ ենթադրաբար առանց «Վրացական երազանք» կուսակցության անդամների հետ խորհրդակցելու: Այդ մասին հայտնում է «Իվերոնի» գործակալությունը՝ հղում կատարելով իր հավաստի աղբյուրներին:
Հրատարակության տվյալներով՝ Վրաստանի կրթության նախարար հավանաբար կդառնա փորձաքննությունների կենտրոնի նախկին ղեկավար Մայա Միմինոշվիլիին:
«Ազատ դեմոկրատներ»-ի առաջնորդը մտածում է՝ սպասել գալիք նախագահական ընտրություններին, թե՝ զբաղեցնել Իվանիշվիլիի առաջարկած ՆԳ նախարարի պաշտոնը:
Ենթադրաբար, ՊՆ-ն ղեկավարելու է Մարդու իրավունքների նախկին պաշտպան Սոզար Սուբարին:
Իվանիշվիլին արժանին է մատուցելու նաև խորհրդարանի նախկին խոսնակ Նինո Բուրջանաձեին: Վերջինիս ամենայն հավանականությամբ առաջարկվում է ԱԳ նախարարի պաշտոնը: Սակայն այդ պաշտոնին է հավակնում նաև նախկին ԱԳ նախարար Սալոմե Զուրաբիշվիլին:
Ապագա խորհրդարանի խոսնակ կնշանակվի Վախթանգ Խմելիձեն, ով 200-րդն է կուսակցական ցուցակում:
«Ինչ վերաբերում է ենթակառուցվածքային և տարածաշրջանային զարգացումների նախարարությանը, ապա նրա ղեկին «Ճակատամասային գործերով նախարար» է նշանակվելու Սաակաշվիլին»,-կատակով ասել է Իվանիշվիլին:
ՈՒՂԻՂ ԵԹԵՐ
Ամենադիտված 
ՀՀ ՊՆ–ն հայտարարություն է տարածել
