Որոնք են Հայաստանին ներկայացված Ադրբեջանի 5 առաջարկները

 Ադրբեջանի արտգործնախարար Ջեյհուն Բայրամովը Անթալիայում դիվանագիտական ​​ֆորումի ժամանակ իր ելույթում խոսել է հետհապատերազմյան շրջանում Հայաստանի հետ խաղաղություն հաստատելու մասին, գրում է Apa գործակալությունը։

ԱՀ արտաքին գործերի նախարարության մամուլի ծառայության ղեկավար Լեյլա Աբդուլաևան իր հերթին ասել է, որ «չնայած  իրենց քայլերին՝ Ադրբեջանի և Հայաստանի միջև հարաբերությունները կարգավորելու ուղղությամբ, ամենաբարձր մակարդակով արված հայտարարություններին առ այն, որ պատրաստ են Հայաստանի հետ խաղաղության պայմանագիր ստորագրել, Հայաստանը չի արձագանքել»։

«Ինչպես հաղորդվել է, որպես հաջորդ քայլ, մի քանի օր առաջ միջնորդները Հայաստանին ներկայացրել են Ադրբեջանի առաջարկը երկու երկրների միջև հարաբերությունների հաստատման հիմնարար սկզբունքների վերաբերյալ։ Այն արտացոլում է երկու երկրների միջև հարաբերությունների կարգավորման հետևյալ հինգ հիմնական սկզբունքները.

1. պետությունների կողմից ինքնիշխանության, տարածքային ամբողջականության, պետական ​​սահմանների անձեռնմխելիության և միմյանց քաղաքական անկախության փոխադարձ ճանաչում,

2. պետությունների կողմից միմյանց նկատմամբ տարածքային պահանջների բացակայության փոխադարձ հաստատում և ապագայում նման պահանջներ չներկայացնելու իրավական պարտավորության ընդունում,

3. ձեռնպահ մնալ միջազգային հարաբերություններում միմյանց անվտանգությանը սպառնացող, քաղաքական անկախության և տարածքային ամբողջականության դեմ սպառնալիքներ և ուժ կիրառելուց, ինչպես նաև այլ հանգամանքներից, որոնք չեն համապատասխանում ՄԱԿ-ի կանոնադրության նպատակներին,

4. պետական ​​սահմանի սահմանազատում և սահմանագծում, դիվանագիտական ​​հարաբերությունների հաստատում,

5. բացել տրանսպորտային կապեր և հաղորդակցություններ, հաստատել այլ համապատասխան հաղորդակցություններ և համագործակցություն փոխադարձ հետաքրքրություն ներկայացնող այլ ոլորտներում:

«Հարկ է նշել, որ հենց այս հիմնարար սկզբունքների հիման վրա է, որ երկու պետությունները ինտենսիվ, առարկայական և արդյունքների վրա հիմնված բանակցություններ վարելուց հետո կկարողանան ավարտին հասցնել երկկողմ խաղաղության համաձայնագրի շուրջ աշխատանքը»,- ընդգծվում է ուղերձում, գրում է Apa֊ն։