Կոլումբիայի նախագահի վիրահատությունը հաջող է անցել

Կոլումբիայի նախագահ Խուան Մանուել Սանթոսը, ով հոսպիտալացվել էր այս շաբաթվա սկզբին քաղցկեղի ախտորոշմամբ, այսօր ենթարկվել է վիրահատության Բոգոտայում գտնվող հիվանդանոցում։ Այս մասին հայտնում է BBC Russian–ը։

Նախագահի բժիշկ Ֆելիպե Գոմեսի խոսքերով՝ վիրահատությունն անցել է առանց բարդությունների, և այժմ 61-ամյա քաղաքական գործիչը վերականգնման փուլում է։

Նշենք նաև, որ հաշվի առնելով այն հանգամանքը, որ ուռուցքը հայտնաբերվել է վաղ փուլում, Կոլումբիայի նախագահը, ըստ բժիշկների, կարող է մի քանի օր անց դուրս գրվել հիվանդանոցից։