Փաշինյանը շարունակում է «թելել» Սերժ Սարգսյանի և ՀՀԿ-ի թելը

Գեղարքունիքի մարզի Ծովագյուղ և Սեմյոնովկա համայնքների բնակիչներն այսօր փակել էին Սևան-Դիլիջան ճանախարհն` իրենց բողոքը արտահայտելով կառավարության առաջ քաշած խոշորացման ծրագրին:

Ուշագրավ է, որ երբ Նիկոլ Փաշինյանը ընդդիմադիր պատգամավոր էր, իսկ ՀՀԿ-ն առաջ էր քաշում համայնքների խոշորացման այս ծրագիրը, ընդդիմադիր Փաշինյանն այն կարծիքին էր, որ դա զոռբայություն է, և կառավարությունն իր կամքն է պարտադրում համայնքներին` առանց նույնիսկ լսելու նրանց կարծիքը:

Հեղափոխությունից հետո ՔՊ-ն արդեն Նոր Հայաստանում անձնվիրաբար շարունակում է ՀՀԿ-ի գործը, որը ժամանակին դիտարկում էր որպես զոռբայություն, իսկ այսօր դա դարձել է համայնքների համաչափ զարգացմանն միտված ռազմավարության կարևորագույն մաս: Այն ժամանակ Փաշինյանը նույնիսկ կարող էր առաջարկել հարցը լուծել ոչ թե կառավարության, այլ տեղական հանրաքվեների միջոցով՝ տալով համայնքներին ընտրության հնարավորություն: Մինչդեռ վարչապետ Փաշինյանը անգամ ընտրության իլյուզիայից է փորձում զրկել համայնքների բնակիչներին` ստիպելով վերջիններիս պարել ՔՊ-ի դուդուկի և ՀՀԿ-ի առաջ քաշած զոռբայության տակ...