Թեհրանը կարող է ոչնչացնել Իսրայելը 24 ժամում. Հոմենեյի ներկայացուցիչ

«Իրանը պատրաստ է Իսրայելի հետ թե՛ կայծակնային, թե՛ երկար, հյուծիչ պատերազմ մղել»,– հայտարարել է Իրանի հեղափոխական բանակում Այաթոլա Ալի Հոմենեյի ներկայացուցիչ Հոջաթ ալ-Էսլամ Ալի Շիրազին՝ ավելացնելով, որ պատասխան հարձակման ժամանակ Իսրայելին ոչնչացնելու համար Իրանից կպահանջվի միայն 24 ժամ։ Այս մասին տեղեկացնում է Russia Today-ը:

«Եթե իրոք պատերազմ լինի, այն երկար չի տևի, և ողջ մահմեդական աշխարհը կշահի դրանից»,- պնդել է Ալի Շիրազին: Նա ընդգծել է, որ Իրանը գիտի՝ ինչպես վարել հյուծիչ պատերազմ՝ հավանաբար նկատի ունենալով իրան-իրաքյան ութամյա պատերազմը (1980-1988)՝ նշելով, որ նման երկարատև պատերազմը կործանարար կլինի Իսրայելի համար:

Նա շեշտել է, որ արաբական աշխարհում ընթացող գործընթացների համապատասխան՝ Իսրայելի ներկայիս հուսալքված դիրքորոշումը թույլ է տալիս Թել-Ավիվին խոսել առանց գիտակցելու: