«ՀԺ». Նոր զարգացումներ «Հարսնաքարի» գործով
Հայկական Մամուլ
«Հարսնաքարի» գործով դատավարությունն առաջիկա օրերին կարող է կանգ առնել, և հնարավոր է' նյութերը վերադարձվեն նախաքննության փուլ: Նման կանխատեսման համար լուրջ հիմքեր ունեն տուժողների փաստաբանները: Վահե Ավետյանի իրավահաջորդի ներկայացուցիչ, փաստաբան Տ. Եգորյանը երեկ «Հայկական ժամանակ»-ի թղթակցին հայտնել է, որ հոկտեմբերի 1-ին փաստաբանները դիմել են Կենտրոն և Նորք-Մարաշ վարչական շրջանների ընդհանուր իրավասության դատարան, պահանջելով ստուգել դատախազության կողմից փաստաբանների բազմաթիվ միջնորդությունները մերժելու օրինականությունը և վերացնել մերժման որոշումը: Դատարանը այդ դիմումը պետք է քննարկի' հանձնելուց հետո տասնօրյա ժամկետում:
«Սա կարող է շատ հետաքրքիր զարգացման վերածվել, որովհետև դատախազի որոշումը վերացնելով' մենք կանգնելու ենք այս դատական նիստը շարունակելու անհնարինության առաջ, չէ՞ որ այդ որոշմամբ էր գործով մեղադրական եզրակացությունը հաստատվել և ուղարկվել դատարան»,- թերթի թղթակցի հետ զրույցում նշել է Տիգրան Եգորյանը և ավելացրել, որ Կենտրոն և Նորք-Մարաշ վարչական շրջանների ընդհանուր իրավասության դատարանին ներկայացրած իրենց փաստերը շատ ամուր են, և դատարանին դժվար կլինի դրանք անտեսել:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
