Քլինթոն. ԱՄՆ-ը կավելացնի ֆինանսական օգնությունը սիրիական ընդդիմությանը

ԱՄՆ-ը մտադիր է ընդլայնել սիրիական ընդդիմությանը տրամադրվող ոչ ռազմական օգնության ծավալները՝ Պակիստանում ահաբեկչության դեմ պայքարի ֆոնդի ֆինանսավորման հաշվին. խոսվում է ԱՄՆ-ի պետքարտուղար Հիլարի Քլինթոնի նամակում՝ ուղղված Կոնգրեսի հանձնաժողովի անդմաներին. գրում է Взгляд-ը։

Մարդասիրական օգնությունը փախստականներին ցուցաբերվում է միջազգային կազմակերպությունների կողմից, իսկ ոչ ռազմական օգնությունը մատակարարվում է Թուրքիայում սիրիական ապստամբների ներկայացուցչության միջոցով։

«Միասնական և արդյունավետ քաղաքացիական առաջնորդությունը Սիրիայում իշխանության հաջող փոփոխության գրավականն է։ Մինչ այժմ ոչ ռազմական օգնությունը չզինված ընդդիմությանը օգնում էր ամրապնդել տեղական խմբերի (ընդդիմության) կազմակերպվածությունը և արդյունավետությունը, ինչպես նաև ամրապնդում էր նրանց կապերը պետության ներսում և դրա սահմաններից դուրս։ Ընդդիմական խմբերն անհապաղ օգնության, կապի միջոցների մատակարարման, առաջին անհրաժեշտության ապրանքների կարիք ունեն»,-ասվում է պետքարտուղարի՝ Կոնգրեսի անդամներին ուղված նամակում։

ԱՄՆ-ը լրացուցիչ միջոցներ կմատակարարի Ստամբուլում սիրիական ընդդիմության աջակցության գրասենյակի միջոցով։