Ի տարբերություն Հայաստանի՝ Վրաստանն անկանխատեսելի է

«Վրաստանում անցկացված ընտրությունները ցույց տվեցին ժողովրդավարության ուժը այդ երկրում: Սա խոսում է այն մասին, որ ի տարբերություն Հայաստանի՝ Վրաստանն անկանխատեսելի է»։ Այս մասին լրագրողների հետ հանդիպմանն ասաց Տարածաշրջանային հետազոտությունների կենտրոնի տնօրեն, քաղաքագետ Ռիչարդ Կիրակոսյանը՝ անդրադառնալով Վրաստանում կայացած խորհրդարանական ընտրություններին։

Բանախոսը կարևորում է երկու  փաստայն, որ  Վրաստանում նախընտրական շրջանում իրադրությունը  լարված էր, երկրորդ՝  նոր քաղաքական պայքարի տեսակ էր, որ մղվում էր  պաշտոնավարող նախագահի, կառավարական ուժերի և մասնավոր հարստության միջև,, եթե փաստն այլ կերպ բնորոշվի ուրեմն պայքարը տեղի էր ունենում գործող նախագահի և հարուստ օլիգարխի միջև:  Նկատում է նաև, որ  «Վրացական երազանք» շարժման մեջ ընդգրկված են տարբեր հայացքների տեր մարդիկ միևնույն գաղափարի շուրջ, այն ՝ լինել Սաակաշվիլիի դեմ, բայց հաղթանակից հետո նրանց միջև հակասությունները կշարունակվեն։

«Հայաստանի համար Վրաստանում կայացած ընտրությունները կարող են կարևոր ազդեցություն ունենալ»,- ասաց Ռիչարդ Կիրակոսյանը և բերեց 5 կարեւոր նշանակություն Հայաստանի համար.

Առաջին' իշխանության գլուխ գտնվող կուսակցությունը ակնհայտորեն պարտություն կրեց։ Սա խոսում այն մասին,  գործող իշխանությունը չպետք է չափից դուրս ինքնավստահ և գոռոզ լինել:

Երկրորդ՝  շխանությունները չպետք է անտեսեն հասարակական պահանջները, որոնք ուղղված են փոփոխությունների։

Երրորդ՝ սա տարածասշրջանում առաջին դեպքն է, երբ իշխանության խաղաղ հանձնում է տեղի ունենում և այս իրադարձությունը պատմական է լինելու։

Չորրորդ՝ Վրաստանը իրականում նման է Հայաստանին և   դա այսօր ակնհայտ է ԱԺ-ում,  ընդդիմությունը մարտահրավեր է նետում իշխանությանը: Այս ամենը արտահայտվում է Հրանտ Բագրատյանի և Նիկոլ Փաշինյանի միջոցով.

Հինգերորդ՝  Վրաստանում փոփոխություններն արտաքին քաղաքականության մեջ նշանակալի կլինեն Հայաստանի համար: Վրաստանի արտաքին քաղաքականության փոփոխությունը ուղղված կլինի Ռուսաստանի հետ հարաբերությունների բարելավմանը, ինչը կօգնի Հայաստանին: