Der Spiegel. Գերմանիան օրինականացրել է կրոնական թլպատումը
Համաշխարհային Մամուլ
Գերմանիայի իշխող կուսակցությունը հոկտեմբերի 3-ին ներկայացրել է նորածին տղաներին թլպատման ենթարկելու մասին օրինագիծ. հայտնում է Spiegel-ը:
Ինչպես հայտնում է ԱՆ ներկայացուցիչը, մոտ ժամանակներս համապատասխան փաստաթուղթը կքննարկվի նախարարների խորհրդում: Գերմանական իշխանությունները որոշել են օրինականացնել թլպատման ծիսակարգը՝ տեղի տալով ԳԴՀ-ում հրեական ու իսլամական համայնքների խնդրանքներին:
Համաձայն նոր օրինագծի՝ ծնողներն իրենց երեխաների փոխարեն կարող են որոշել՝ թլպատել նրանց՝ ելնելով կրոնական դրդապատճառներից, թե՝ ոչ: Ընդ որում, թլպատումը պիտի կատարվի սանիտարահիգիենիկ պահանջներին համապատասխան՝ հնարավոր բարդություններից խուսափելու համար:
Օրենքում նշվում է, որ կես տարեկանից փոքր տղաների թլպատումը պետք է կատարվի կրոնական համայնքների հատուկ մասնագետների կողմից:
Վիրահատական գործընթացը պիտի կատարվի անզգայացման միջոցով, որպեսզի մանկահասակ տղաներին ցավ չպատճառվի: Բացի այդ՝ սկսած պատանեկան տարիքից՝ տղաներն իրավունք ունեն հրաժարվել թլպատումից:
Մայիսին Քյոլնի դատարանը կրոնական թլպատումը քրեական հանցագործություն էր ճանաչել՝ կապված 4-ամյա տղայի թլպատման հետ, որն իրականացրել էր անփորձ բժիշկը, և որի հետևանքով օրեր անց տղայի մոտ արնահոսություն էր սկսվել:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
