Marvel-ի «Լուսնային ասպետ» սերիալում Հայոց ցեղասպանության հիշատակումը զայրացրել է թուրք ազգայնականներին

Ինչպես արդեն հայտնել ենք, Marvel կինոընկերության Moon Knight («Լուսնային ասպետ») սերիալի առաջին էպիզոդում կերպարները հիշատակել են Հայոց ցեղասպանությունը: Սա, բնականաբար, զայրացրել է թուրք և ադրբեջանցի ազգայնականներին, ովքեր շտապել են  IMDb հարթակում ցածր գնահատականներ նշանակել սերիալին, ինչպես նաև մեկնաբանություններում ժխտել Հայոց ցեղասպանության փաստը:

Սակայն, պարզվում է` նրանց գործողությունները լրիվ հակառակ էֆեկտն են ունեցել: Այժմ սերիալի բազմաթիվ երկրպագուներ սկսել են ուսումնասիրել թեման և դրա մասին կիսվել սոցցանցերում:

«Ես իրականում ոչինչ չգիտեի Հայոց ցեղասպանության մասին և իսկապես մեծ ուշադրություն չէի դարձրել շոուի ընթացքում այդ տողին: Այս ամբողջ աղմուկի շնորհիվ ես ավելի շատ տեղյակ եմ, քան նախկինում»,- Reddit-ում գրել է օգտատերերից մեկը: