Պայմանական հրդեհ՝ Երևանի մետրոպոլիտենում

Հոկտեմբերի 5-ին «Երևանի մետրոպոլիտեն» ՊՓԲԸ դեպոյի տարածքում (մետրոյի Չարբախ կայարան, հայ-բելառուսական առևտրի կենտրոնի խաչմերուկից քիչ հեռու) կանցկացվի հատուկ տակտիկական ուսումնավարժանք, որի թեման է «Մետրոյի աշխատակիցների և ուղևորների պաշտպանական միջոցառումների կազմակերպումը հրդեհի դեպքում»։

Սցենարի համաձայն՝ մետրոյի ուղևորատար վագոններից մեկում բռնկվել է պայմանական հրդեհ, որը տարածվել է դեպի կառամատույց։ Ուսումնավարժանքին ներգրավված են ՀՀ ԱԻՆ փրկարար ծառայության Երևանի հրշեջ մասերից 3 մարտական հաշվարկ, 1 ավտոսանդուղք, շտապօգնության 2 բրիգադ, ոստիկանության 1 հերթապահ մեքենա՝ իր անձնակազմով, մետրոպոլիտենի հրդեհաշիջման և վթարավերականգնողական խմբերը։