Կրեմլը դրական է գնահատել Բաքվի և Երևանի՝ խաղաղության շուրջ համաձայնության գալու որոշումը

Կրեմլը դրական է գնահատում և ողջունում Ադրբեջանի և Հայաստանի միջև խաղաղ բանակցությունների նախապատրաստումը, ասել է ՌԴ նախագահի խոսնակ Դմիտրի Պեսկովը, գրում է Ռիա Նովոստին։

«Դրական: Հասկանալի է, որ գործընթացը շատ֊շատ երկար է, բայց առաջընթացը դեպի նման փաստաթղթի կնքումը շատ դրական փաստ է և ողջունելի»,- ասել է Պեսկովը՝ պատասխանելով հարցին, թե ինչպես է Կրեմլը գնահատում այն փաստը, որ Հայաստանը և Ադրբեջանը հայտարարել են խաղաղության շուրջ բանակցությունների նախապատրաստման մասին։