Մեր երկրի վաղը հենց ձեր փորձառությամբ կրթված քաղաքացիներն են կերտելու. նախարար

ՀՀ սպորտի և երիտասարդության հարցերի նախարար Հրաչյա Ռոստոմյանի շնորհավորական ուղերձը՝ ուսուցչի տոնի կապակցությամբ.

«Հարգարժան գործընկերներ, շնորհավորում եմ ձեզ ուսուցչի տոնի կապակցությամբ:

Հայ ուսուցիչները և մանկավարժները մշտապես գտնվել են մատաղ սերնդի կրթման և դաստիարակման առաջավոր դիրքերում: Դուք ձեր սաներին ոչ միայն փոխանցում եք ձեր հարուստ գիտելիքները, այլ նաև, որպես սպորտի մասսայականացման ջատագովներ, կրթում և դաստիարակում ենք առողջ և հայրենիքին պիտանի սերունդ:

Վստահ եմ, որ մեր երկրի վաղը հենց ձեր փորձառությամբ, հմտությամբ և իմաստությամբ կրթված քաղաքացիներն են կերտելու, իսկ դուք ձեր աշխատասիրությամբ դեռ երկար տարիներ շարունակելու եք նպաստել ֆիզիկական կուլտուրայի և սպորտի զարգացման գործին:

Հարգելի ուսուցիչներ, մեկ անգամ ևս սրտանց շնորհավորում եմ բոլորիդ, մաղթում աշխատանքային ձեռքբերումներ և անձնական երջանկություն»: