ԱՀԿ-ն զգուշացնում է կորոնավիրուսի ամենավարակիչ շտամի տարածման մասին

Առողջապահության համաշխարհային կազմակերպության փորձագետները նախազգուշացրել են կորոնավիրուսային վարակի XE ամենավարակիչ շտամի տարածման մասին, հայտնում է Los Angeles Times-ը։

Ըստ մասնագետների՝ այս շտամի վարակիչ լինելը կարող է 10%-ով ավելի բարձր լինել՝ համեմատած BA.2-ի հետ։ Սակայն դա պահանջում է լրացուցիչ հաստատում, ընդգծել են կազմակերպության գիտնականները։

ԱՀԿ-ն նշել է, որ իրենք մշտադիտարկում և գնահատում են հանրային առողջության ռիսկերը կորոնավիրուսի այլ շտամների ի հայտ գալուն զուգահեռ: