Նախատեսվում է մի շարք փաստաթղթերի ստորագրում. Պուտին

ՀՀ վարչապետ Նիկոլ Փաշինյանի և ՌԴ նախագահ Վլադիմիր Պուտինի հանդիպման ժամանակ քննարկվելու է նաև ԼՂ անվտանգության հարցը։ Այդ մասին հայտնեց ՌԴ նախագահը։

 

Պուտինի խոսքով՝ Փաշինյանի այցը նվիրված է 2 երկրների միջև դիվանագիտական հարաբերությունների 30-ամյակին։ Նա նշեց, որ նախատեսվում է մի շարք փաստաթղթեր ստորագրել՝ իրավական հարաբերությունների հիմքում ունենալով շուրջ 200 փաստաթուղթ։

 

«Դա լավ հնարավորություն է ստեղծում աշխատել գրեթե բոլոր ուղղություններով։ Առաջատար հարցերից է նաև տնտեսությունը. 2021 թվականին մենք ունեցել ենք 12,8% աճ, իսկ այս տարվա առաջին ամիսներին` ևս 50% աճ: Շատ լավ ցուցանիշ է, հատկապես ժամանակակից աշխարհում»,-ասաց ՌԴ նախագահը։