Հայոց ցեղասպանության 100-րդ տարելիցին նվիրված տարբերանշանի մրցույթ

Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովը հայտարարում է Հայոց ցեղասպանության 100-րդ տարելիցին նվիրված տարբերանշանի՝ լոգոյի մրցույթ: Այս մասին տեղեկանում ենք Հայոց ցեղասպանության թանգարան-ինստիտուտի ֆեյսբուքյան էջից: Ստորև ներկայացնում  ենք վերոնշյալ հայտարարությունը.

Մրցույթի ընթացքում ներկայացված աշխատանքները պետք է բավարարեն հետևյալ պահանջները.

• արտահայտեն Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի գործունեության նպատակը և առաքելությունը,
• ունենան պարզ լուծումներ և դիպուկ կարգախոս:

Նախագծերը պետք է ներկայացվեն էսքիզի տեսքով՝ A4 ֆորմատով, ստվարաթղթի վրա, 2 տարբերակով՝ մոնոխրոմ և գունավոր, ինչպես նաև էլեկտրոնային տարբերակով:

Լավագույն աշխատանքների համար սահմանված է մեկ գլխավոր մրցանակ` 500.000 դրամի և երկու խրախուսական մրցանակ' 250.000-ական դրամի չափով:

Հայտերի ներկայացման վերջնաժամկետ է հայտարարվել դեկտեմբերի 1-ը: