Սիրիա. Ապստամբները մահապատժի են ենթարկում իրանցի պատանդներին

Արևելյան Գուտայում և Դամասկոսի արվարձաններում գործող «Բար'ա խումբը» հայտարարել է, որ մոտակա 48 ժամվա ընթացքում մահապատժի կենթարկի իր կողմից օգոստոսի սկզբին պատանդ վերցրած բոլոր իրանցի պատանդներին. հայտնում է MIGnews-ը։

Պատանդները մահապատժի չեն ենթարկվի այն դեպքում, եթե Սիրիայի կառավարությունը «ազատ արձակի մեր բանտարկյալներին և դադարեցնի մեր քաղաքների հրետանային գնդակոծությունները»։

«Բար’ա խումբը» նախազգուշացնում է, որ իրանցիները իսլամական հեղափոխության պահապանների կորպուսի անդամներ են հանդիսանում և նրանք լրտեսական առաքելություն են իրականացնում Դամասկոսում։

Իրանը նշում է, որ խոսքը իրանցի շիական ուխտագնացների մասին է, որոնք այցելել են սուրբ Սաիդա Զեյնաբի գերեզմանին։ Իրանը օգնության համար դիմել է Թուրքիային և Քաթարին՝ խնդրելով օգնել ազատ արձակել պատանդներին։

«Բար’ա խմբի» ներկայացուցիչ Աբդել Նասեր Շմեյրը պնդում է, որ խումբը հանդիսանում է Դամասկոսում գործող 150 հոգանոց հետախուզական ջոկատի մաս։