SOCAR-ը հերքել է տեղեկությունը, թե Ադրբեջանը Ռուսաստանից ներկրվող գազի դիմաց կվճարի ռուբլով
Տնտեսություն
Ադրբեջանի Հանրապետության պետական նավթային ընկերությունը` SOCAR-ը, հերքել է տեղեկությունը, թե Ադրբեջանը Ռուսաստանից ներկրվող գազի դիմաց կվճարի ռուբլով։ Այս մասին հայտնում է Սպուտինկ Ադրբեջանը:
Ավելի վաղ ՌԴ ԱԳՆ-ն հայտնել էր, որ Ռուսաստանն Ադրբեջանի հետ ակտիվորեն անցնում է ազգային արժույթով հաշվարկների։
Ռուսաստանն ակտիվորեն անցնում է Ադրբեջանի և Հայաստանի հետ ազգային արժույթով հաշվարկների. Բաքվի հետ առևտրի մոտ 30%-ը արվում է ռուբլով, Երևանը սկսել է գազի դիմաց վճարել դրանով, ՌԻԱ Նովոստիին ասել էր ՌԴ ԱԳՆ խոսնակ Դենիս Գոնչարը։ .
«Ռուս-ադրբեջանական տնտեսական հարաբերությունների ինքնին ճարտարապետությունը, որպես ամբողջություն, քիչ է ազդում արտաքին բացասական գործոնների վրա և արագ հարմարվում է ոչ ստանդարտ իրավիճակների»,- ընդգծել էր դիվանագետը։
Գոնչարը հավելել էր, որ Ռուսաստանը շարունակում է մնալ Ադրբեջանի առաջատար տնտեսական գործընկերների թվում և առաջին տեղն է զբաղեցնում ադրբեջանական նավթամթերք ներկրողների թվում։
Ամենադիտված 
Մնաս բարյավ. Րաֆֆի Հովհաննիսյան
