Բակո Սահակյանը կոչումներ է շնորհել և պարգևատրել

Արցախի Հանրապետության նախագահ Բակո Սահակյանը Ուսուցչի օրվա առթիվ հոկտեմբերի 4-ին ստորագրել է հրամանագրեր պատվավոր կոչումներ շնորհելու եւ պետական պարգեւներով պարգեւատրելու մասին:

Գիտության, կրթության բնագավառների զարգացման գործում ունեցած մեծ վաստակի, մատաղ սերնդի ուսուցման եւ դաստիարակության ասպարեզում ձեռք բերած ակնառու հաջողությունների համար ԼՂՀ պատվավոր կոչումներ են շնորհվել.

Գիտության վաստակավոր գործչի՝

Ստեփան Դադայանին Արցախի պետական համալսարանի ռեկտոր, պրոֆեսոր

Վաստակավոր մանկավարժի՝

Լյուդմիլա Բարսեղյանին «Ստեփանակերտի մանակապատանեկան ստեղծագործության կենտրոն» պետական ոչ առեւտրային կազմակերպության տնօրեն, Լեռնային Ղարաբաղի Հանրապետության Ազգային ժողովի պատգամավոր

Էդիկ Պետրոսյանին Լեռնային Ղարաբաղի Հանրապետության Հադրութի շրջանի վարչակազմի աշխատակազմի կրթության բաժնի վարիչ

Նիկոլայ Սաղյանին Լեռնային Ղարաբաղի Հանրապետության Մարտակերտի շրջանի Չափար գյուղի միջնակարգ դպրոցի քիմիայի եւ կենսաբանության ուսուցիչ

Մատաղ սերնդի ուսուցման եւ դաստիարակության բնագավառում ունեցած նշանակալի ավանդի համար պարգեւատրվել են.

«Վաչագան Բարեպաշտ» մեդալով՝

Արմենուհի Գրիգորյանը՝ Լեռնային Ղարաբաղի Հանրապետության Մարտունու շրջանի Հերհեր գյուղի միջնակարգ դպրոցի աշխարհագրության ուսուցչուհի

Գրետա Գրիգորյանը՝ Ստեփանակերտի քաղաքապետարանի աշխատակազմի կրթության եւ սպորտի բաժնի գլխավոր մասնագետ

Լիլիկ Հակոբյանը՝ Ստեփանակերտի «Գրիգոր Նարեկացի» ոչ պետական հավատարմագրված համալսարանի հումանիտար ֆակուլտետի դեկան

«Երախտագիտություն» մեդալով՝

Հասմիկ Անտոնյանը՝ Մարտունու N1 միջնակարգ դպրոցի հայոց լեզվի եւ գրականության ուսուցչուհի

Էլմիրա Ասրյանը՝ Լեռնային Ղարաբաղի Հանրապետության Ասկերանի շրջան, գյուղ Նորագյուղ, կենսաթոշակառու ուսուցչուհի

Ասյա Մանգասարյանը՝ ԼՂՀ Մարտակերտի շրջանի Ճանկաթաղ գյուղի միջնակարգ դպրոցի մասնագիտացված կրթական աջակցությունների գծով տնօրենի տեղակալ, հայոց լեզվի եւ գրականության ուսուցչուհի

Աշոտ Ներսիսյանը ԼՂՀ Քաշաթաղի շրջանի Մշենի գյուղի միջնակարգ դպրոցի տնօրեն։