Պատրաստվիր պատերազմի, եթե ուզում ես խաղաղություն լինի. Էրդողան

«Թուրքիան պետք է պատրաստվի պատերազմի, եթե ուզում է խաղաղություն լինի»,- հայտարարել է Թուրքիայի վարչապետ Ռեջեփ Էրդողանը՝ Ստամբուլում ելույթի ժամանակ, գրում է Hurriyet-ը:

«Մենք պատերազմ չենք ուզում, բայց մենք նաև հեռու չենք պատերազմից: Կա մի թևավոր խոսք՝ «Պատրաստվիր պատերազմի, եթե խաղաղություն ես ցանկանում» (Si vi pacem, para bellum): Այսպիսով, պատերազմը դառնում է խաղաղության բանալին»,- նշել է Էրդողանը:

Հիշեցնենք, որ նախօրեին Թուրքիայի խորհրդարանը թույլ էր տվել Սիրիայի դեմ ռազմական գործողություններ սկսել այն բանից հետո, երբ Սիրիայի տարածքից գնդակոծվել էին թուրքական սահմանամերձ բնակավայրի բնակելի տները, ինչի հետևանքով զոհվել էր հինգ մարդ:

«Մենք Սիրիայի դեմ պատերազմ սկսելու մտադրություն չունենք, սակայն վերջինիս սահմանային գործողություններն արդեն սպառնում են Թուրքիայի ազգային անվտանգությանը»,– նշել էր Էրդողանը՝ մեկնաբանելով Թուրքիայի խորհրդարանի ընդունած որոշումը: