The Associated Press. Թուրքիայի պատասխանը Սիրիայի հերթական հարվածին

Թուրքիայի բանակը կրկին պատասխանել է Սիրիայի կողմից ևս մեկ անգամ իր տարածքի ռմբակոծմանը, գրում է The Associated Press-ը՝ վկայակոչելով տեղական «պետական» լրատվական գործակալության տարածած հաղորդագրությունը:

Սիրիայի կողմից արձակված արկն ընկել է թուրքական Հաթայ շրջանի Ալթինոզու քաղաքի վրա՝ թուրքական զինված ուժերին դրդելով անմիջապես պատասխանել: Տեղեկությունների համաձայն՝ վիրավորներ չկան:

Anadolu լրատվական գործակալությունը մեջբերում է Հաթայ շրջանի կառավարչի խոսքը՝ «Թուրքական զորքերը պատասխանեցին կրակով» այն բանից հետո, երբ ռմբակոծվեց Սիրիայի սահմանի մոտ գտնվող Հաթայ շրջանի որոշ հատված: