Շուտով Մոսկվայում կլինի իմ՝ նմանը չունեցող մենահամերգը. Արկադի Դումիկյան

Մոսկվայի տարբեր հատվածներում կարող եք հանդիպել Արկադի Դումիկյանի մենահամերգի գովազդային վահանակները: 

ԼՈՒՐԵՐ.com-ը մենահամերգի ու առաջիկա պրեմիերաների մասին խոսել է երգչի հետ: 

Արկադի Դումիկյանն ասել է, որ  աննախադեպ մենահամերգ է լինելու, որին և՛  ինքը, և՛ իր պրոդյուսեր՝ Լևոն Չախոյանը պատրաստվում են շատ մանրակրկիտ ու մեծ պատասխանատվությամբ: Համերգը նախատեսված էր ավելի շուտ, բայց Կորոնավիրուսի ու 44-օրյա պատերազմով պայմանավորված հետաձգվեց:  

«Այո համերգի ընթացքում կլինի պրեմիերա: Մենահամերգիս ներկա են լինելու ու իրենց երգերով հանդիսատեսին ուրախացնելու են նաև իմ ընկերները: Ես, որպես արվեստագետ, ցանկանում եմ ինչ-որ ձևով թեթևացնել մեր ժողովրդի ցավը ու փորձել գոնե 2 ժամ նրանց կտրել առօրյայից: Մեծ հույս ունեմ, որ մեր կատարած ահռելի աշխատանքը կտա իր պտուղները»,- ասել է Արկադին:

Անի Հակոբյան