«Ժողովուրդ». Պալաչը ընդլայնում է իր բարեգործության սահմանները

Որպեսզի Արթուր Հարությունյանը` Պալաչը, ամենուր չհայտարարի, թե ԲՀԿ առաջնորդ Գագիկ Ծառուկյանն «ընկել է իր հետևից», վերջինս որոշել է առավել ընդլայնել իր բարեգործության սահմանները: Նա բարեգործական երթուղի է բացել Աշտարակ-Երևան երթուղով:

Ըստ «Ժողովուրդ»-ի տեղեկությունների՝ այդ «գծի» տերը Աժ պատգամավոր ՀՀԿ-ական Նահապետ Գևորգյանն է՝ Նովոն, որը դեռ չի շտապում առճակատման գնալ:

Երբ թերթը պարզաբանումներ է խնդրել նրանից, ինչպես միշտ, «փայլել է» իր բարեկրթությամբ: «Չգիտեմ ով ա, ինչ ա: Հաջող»,- ասել է ու անջատել հեռախոսը:

Իսկ պատգամավորի վարորդները, որ զանգահարել էին խմբագրություն, դժգոհեցին, թե իրենց աշխատանքը դարձել է անիմաստ, քանի որ գրեթե բոլոր աշտարակցիներն անվճար երթուղուց են օգտվում: Թե ինչ հանգուցալուծում կստանա խնդիրը, դեռ վաղ է ասել. «Գագիկ Ծառուկյան» բարեգործական հիմնադրամի տնօրեն Վահե Հովհաննիսյանը Ստրասբուրգում է և թերթի հարցերին չի կարողացել պատասխանել: