«Առավոտ». Քաջարանի գյուղապետին ստիպել են հրաժարական տալ

Թերթը գրում է. «Սյունիքի մարզի Քաջարան գյուղի գյուղապետ Ռաֆիկ Աթայանը երեկ ոչ իր կամքով հրաժարականի դիմում է ներկայացրել: Մեզ հետ զրույցում Ռաֆիկ Աթայանը ասաց, որ ճնշել են տեղի իշխանությունները, նաև Զանգեզուրի պղնձամոլիբդենային կոմբինատի ղեկավարությունը: «Պատճառն այն էր, որ պետք է գյուղի տարածքը Զանգեզուրի պղնձամոլիբդենային կոմբինատին ԶՊՄԿ հանձնելու պայմանագիրը ստորագրվեր, ես էլ պայմանագիրը չեմ ստորագրել, ինձ վրա էլ ճնշումներ են գործադրել, որպեսզի պայմանագիրը ստորագրվի: Հրաժարական չտամ, բա ինչ անե՞մ, բռնեն մի օր սպանե՞ն ինձ: Ասեք՝ ի՞նչ անեմ: Եթե ձեզ պարտադրում են կա՛մ էս պտի անես, կա՛մ էն պտի անես (կա՛մ պայմանագիրը ստորագրիր, կա՛մ հրաժարական տուր), դե, ասեք՝ ո՞րը պիտի անեմ»,- ասաց Ռաֆիկ Աթայանը»: