Այսուհետ ՀՀ վարչապետը կկարողանա քաղաքապետի ժ.պ. նշանակել ավագանու կազմից
Հայաստան
Հայաստանի վարչապետն այսուհետ կկարողանա համայնքների ղեկավարի ժամանակավոր պաշտոնակատարների նշանակել ավագանու խորհրդի կազմից: «Տեղական ինքնակառավարման մասին» օրենքում համապատասխան փոփոխությունների նախագիծը երկրորդ եւ վերջնական ընթերցմամբ քննարկվել եւ ընդունվել է Ազգային ժողովի արտահերթ նիստում:
Քննարկումն ու քվեարկությունն անցկացվել են արագացված ռեժիմով:
Օրենսդրական փոփոխություններին հավանություն է տվել 63 պատգամավոր: Ընդդիմադիր պատգամավորները չեն ներկայացել նիստին, քանի որ մասնակցում են բողոքի ակցիաներին:
Օրենսդրության համաձայն՝ ավագանու խորհրդի անդամները չեն կարող միաժամանակ ՏԻՄ ղեկավարներ լինել: Այժմ այն դեպքում, եթե 20 օրվա ընթացքում ավագանու խորհուրդը չկարողանա համայնքի ղեկավար ընտրել, ժամանակավոր պաշտոնակատար հնարավոր կլինի նշանակել ավագանու անդամներից մեկին:
Նշենք, որ քանի որ ժամանակավոր պաշտոնակատարի նշանակման որոշումը կայացնելու է վարչապետը, նա համայնքի ղեկավարի ժ.պ. կարող է նշանակել իր կուսակցության ներկայացուցիչներից մեկին, եթե նույնիսկ ընտրությունների արդյունքում վերջինս չի կարողացել հավաքել ձայների մեծամասնությունը:
ՈՒՂԻՂ ԵԹԵՐ
Ամենադիտված 
Կյանքից հեռացել է Տիգրան Ղազարյանը
