Ուկրաինայում պատերազմը կազդի համաշխարհային տնտեսության վրա առաջիկա մի քանի տարվա ընթացքում. Բիլ Գեյթս
Տնտեսություն
Ուկրաինայում պատերազմն առաջիկա մի քանի տարվա ընթացքում կազդի համաշխարհային տնտեսության վրա։ Այս մասին CNN-ին տված հարցազրույցում ասել է միլիարդատեր Բիլ Գեյթսը։
«Այս ամենը տեղի է ունենում համավարակի հետ մեկտեղ, երբ պետական պարտքի մակարդակն արդեն շատ բարձր է եւ մատակարարման շղթաների հետ կապված արդեն իսկ խնդիրներ կան: Դա, ամենայն հավանականությամբ, կարագացնի գնաճային խնդիրները, որոնք ունեն աշխարհի հարուստ երկրները, եւ տոկոսադրույքների բարձրացման կհանգեցնի, ինչն էլ ի վերջո տնտեսական աճի դանդաղման կբերի»:
Նրա խոսքով՝ եթե հարուստ երկրները տնտեսական խնդիրների բախվեն, կտուժեն աղքատ երկրների կարիքներն առողջապահական ոլորտում:
ԱՄՆ Դաշնային պահուստային համակարգը եւ աշխարհի առաջատար տնտեսությունների մյուս կենտրոնական բանկերը վերջերս բարձրացրեցին տոկոսադրույքները՝ աճող գնաճին հակազդելու համար: Դա հանգեցրեց մտավախությունների, որ տոկոսադրույքները շատ արագ կբարձրանան եւ անկում կառաջացնեն, որը կարող է ռեցեսիայի հանգեցնել:
Այնուամենայնիվ, Ուոլ Սթրիթի բանկերի կարծիքները տարբեր են այն հարցում, թե որքան լուրջ հարված գնաճը կարող է հասցնել տնտեսությանը, եւ կան որոշ նշաններ, որ գնաճը, գուցե, իր գագաթնակետին է հասել:
Գեյթսն ապրիլին իր բլոգում գրել էր, որ հարուստ եւ աղքատ երկրների միջեւ խզման կրճատումն անհրաժեշտ է նոր համավարակի կանխման համար:
ՈՒՂԻՂ ԵԹԵՐ
Ամենադիտված 
Ուսանողը ատամի ցավով դիմել է ատամնաբույժի և անսպասելիորեն իմացել ծանր ախտորոշման մասին
