ՀՀ նախկին ոստիկանապետն ու Վրաստանի ներկայիս վարչապետը չխուսափեցին Շամշյանի ֆոտոխցիկից

Ֆոտոլրագրող Գագիկ Շամշյանն այսօր որոշել է վերադասավորել իր ֆոտոարխիվը. հին ու նոր նկարների հետ ֆոտոլրագրողը գտել է նաև անցած տարվա հոկտեմբերի 30-ին լուսանկարած ֆոտոռեպորտաժը, որտեղ ՀՀ ոստիկանապետ Ալիկ Սարգսյանը նոր նմուշի ազգային վարորդական վկայական է հանձնում Վրաստանի այն ժամանակվա Ներքին գործերի նախարար, այժմ վարչապետ Իվանե Մերաբիշվիլիին:

Ֆոտոլրագրողը տարակուսած է, թե արդյո՞ք Վրաստանի քաղաքացի Իվանե Մերաբիշվիլին հանձնել էր վարորդական իրավունքի համար նախատեսված տեսական և գործնական քննությունները կամ ընդհանրապես կարելի՞ է այլ երկրի քաղաքացուն նման արագությամբ վարորդական իրավունք տալ:

Իսկ ՀՀ նախկին ոստիկանապետն ու Վրաստանի ՆԳ նախկին նախարարը վարորդական իրավունքի վկայականը ստանալու համար Ճանապարհային ոստիկանության վարչական շենք էին ժամանել Ալիկ Սարգսյանի կողմից վարած «Լեքսուս» մակնիշի 01 NN 001 համարանիշի ավտոմեքենայով, որի դիմապակուց բացակայում էին ԱՊՊԱ և տեխզննման կտրոնները, իսկ պաշտոնյաներն առանց ամրագոտու էին:

Ի դեպ, զուտ պատահականորեն, ժողովրդի լեզվով ասած՝ «բախտի բերմամբ, թե պատահմամբ», Վրաստանի պաշտոնյային բաժին է հասել «ծիծակ» համարներով վարորդական իրավունքի վկայական՝ «GE 000001»:

Լուսանկարները` Գագիկ Շամշյանի:

{gallery}aliksargsyanvrastan{/gallery}