Թուրքիան չի դադարում հարված հասցնել Սիրիային

Սիրիայի սահմանին շարունակվում է թուրքական հրետանու պատասխանը հարևան երկրի տարածքից եկող հրաձգութուններին:

Հիշեցնենք, որ Սիրիայում կառավարական զորքերի և ապստամբների միջև կատաղի մարտեր են ընթանում։

Թուրքիայի արտգործնախարար Ահմեդ Դավութօղլուն հաստատել է, որ թուրքական բանակը ղեկավարվելու է խորհրդարանի որոշմամբ, որը թույլ է տվել ուժ գործադրել`Սիրիայի տարածքից եկող հարձակումները հետ մղելու համար:

Թուրք-սիրիական սահմանին իրավիճակը սրվել է գյուղերից մեկում հրաձգության հետևանքով, որի ժամանակ զոհվել է հինգ խաղաղ բնակիչ:

Այդ առիթով շավաթ օրը ԱՄՆ ՊՆ ղեկավար Լեոն Պանետան հայտարարել է, որ մեծացել է վտանգը, որ Սիրիայում հակամարտության մեջ կներգրավվեն նաև հարևան երկրները։