Թուրքիան մեծ ուժեր է տեղակայել Սիրիայի հետ սահմանին

Թուրքական բանակի հրետանին գնդակոծել է Սիրիայի տարածքն այն բանից հետո, երբ կրկին սիրիական արկ է պայթել սահմանային Աքչաքալե քաղաքում, որտեղ չորեքշաբթի օրը սպանվել էր 5 քաղաքացի։ Այս մասին հայտնում է BBC Russian–ը։

Թուրք–սիրիական սահմանային լարվածությունը չի թուլանում։ Ընդհակառակը, Թուրքիան սկսել է մեծ ուժեր տեղակայել սահմանի երկայնքով։

Հիշեցնենք, որ ավելի վաղ Թուրքիայի վարչապետ Ռեջեփ Թայիփ Էրդողանը հայտարարել էր, որ Թուրքիան մտադիր չէ պատերազմ սկսել Սիրիայի հետ, սակայն մտադիր է պաշտպանել իր սահմաններն ու ժողովրդին։