ՀՀ վարչապետի որոշմամբ ստեղծվել է ՀՀ-ի և Ադրբեջանի միջև սահմանազատման հարցերով հանձնաժողով

ՀՀ վարչապետ Նիկոլ Փաշինյանը որոշում է ստորագրել, որում ասված է․

«Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասը՝

1. Ստեղծել Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողով:

2. Հաստատել հանձնաժողովի անհատական կազմը՝ համաձայն հավելվածի»:

Նշենք, որ հանձնաժողովի նախագահ է նշանակվել ՀՀ փոխվարչապետ Մհեր Գրիգորյանը:

Հանձնաժողովում ներառված է 12 անձ, նրանք արտաքին գործերի, պաշտպանուփյան, արդարադատության, տարածքային կառավարման նախարարությունների, կադաստրի կոմիտեի, գլխավոր շտաբի ներկայացուցիչներ են։

Հանձնաժողովի անհատական կազմը հետևյալն է.

Մ. Գրիգորյան - ՀՀ փոխվարչապետ (հանձնաժողովի նախագահ)
 Մ. Սաֆարյան - ՀՀ արտաքին գործերի նախարարի տեղակալ
Ա. Սարգսյան - ՀՀ պաշտպանության նախարարի տեղակալ
Գ. Մինասյան - ՀՀ արդարադատության նախարարի տեղակալ
Հ. Հարությունյան - ՀՀ տարածքային կառավարման և ենթակառուց վածքների նախարարի տեղակալ
Ն. Ավագյան - ՀՀ կադաստրի կոմիտեի նախագահի տեղակալ
Ա. Գուգարաց - ՀՀ կադաստրի կոմիտեի նախագահի տեղակալ
 Ե. Կիրակոսյան - Միջազգային իրավական հարցերով ներկայացուցիչ
 Ա. Մարտիկյան - ՀՀ զինված ուժերի գլխավոր շտաբի պետի տեղակալ
Դ. Սանամյան - ՀՀ ազգային անվտանգության ծառայության դեպարտամենտի պետ
 Ա. Մարալչյան - ՀՀ ազգային անվտանգության ծառայության սահմանապահ զորքերի հրամանատար
 Ս. Պետրոսյան - ՀՀ զինված ուժերի գլխավոր շտաբի ռազմատեղագրական ծառայության պետ