Դամասկոսում գրահայինները հարձակվել են ոստիկանության երկու տեղամասերի վրա
Մերձավոր Արևելք
Երկուշաբթի գիշերը Սիրիայի մայրաքաղաքում նորից պայթյուններ են հնչել: Նախնական տվյալներով՝ գրոհայինները հարձակվել են ոստիկանության երկու վարչության վրա քաղաքի կենտրոնում գտնվող Խալիդ իբն ալ Վալիդի և Մայդան փողոցներում:
Ինչպես նշում է ИТАР-ТАСС-ը, գնդակոծության են ենթարկվել մայրաքաղաքի հարավում գտնվող Հաջր ալ Ասուադի և Թադամունի բանակի պարեկային կետերը:
Հալեպում սիրիական զինծառայողները հետ են մղել ապստամբների՝ քաղաքի կենտրոնը գրավելու փորձերը:
Մեկ այլ ջոկատ հերթապահում է Յոթ շատրվանների հրապարակում: Հատուկ ծառայությունները շրջափակել են Բաբ Նասր և Բաբ Հադիդ շրջանները, ինչպես նաև Սուք ալ Հել շուկան, որտեղից զինված հարձակումներ էին տեղի ունենում կառավարական զորքերի վրա:
Միաժամանակ սիրիական ռազմական աղբյուրները ժխտում են արաբական հեռուստաընկերության տարածած լուրն այն մասին, որ Հալեպի հյուսիսում ապստամբները գրավել են բանակի զորամասը: Կառավարական զորքերը գրոհել են թուրքական սահմանից դեպի Հալեպի արևմտյան հատվածը նետված ապստամբական դիրքերը:
AFP-ն հայտնում է, որ անցած 24 ժամվա ընթացքում Սիրիայի տարբեր մասերում զոհվել է 53 խաղաղ բնակիչ, որոնց թվում՝ 11 կին, 29 զինվոր և 25 գրոհային:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
