Մահացել է Depeche Mode-ի համահիմնադիր Էնդի Ֆլեթչերը

60 տարեկանում մահացել է Depeche Mode խմբի համահիմնադիր, անդամ Էնդի Ֆլեթչերը։ Այս մասին ասվում է խմբի թվիթերյան հաղորդագրության մեջ։

«Մենք ցնցված և ճնշող տխրությամբ ենք լցված մեր սիրելի ընկերոջ, ընտանիքի և խմբի անդամի Էնդի Ֆլեթչերի վաղաժամ մահվան կապակցությամբ», - ասվում է հայտարարության մեջ:

Depeche Mode բրիտանական երաժշտական խումբը կազմավորվել է 1980 թվականին Անգլիայի Բազիլդոն քաղաքում։ Այս խումբը, որն իր սեփական ոճն է ստեղծել էլեկտրոնային և ռոք երաժշտության մեջ, համարվում է աշխարհի ամենահաջողակ և երկարակյաց երաժշտական խմբերից մեկը։