Հանդիպում հրաձգարանում (տեսանյութ, լուսանկարներ)

Այսօր Նուբարաշենի հրաձգարանը հյուրընկալեց լրագրողներին։ ԶԼՄ-ի ներկայացուցիչները պատիվ ունեցան ծանոթանալ ջոկի սպառազինությանը,  կատարեցին կրակային վարժություններ. նրանց նաև հաղորդվեցին գիտելիքներ զենք-զինամթերքի վերաբերյալ։

Lurer.com-ի հետ զրույցում ՀՀ ՊՆ մամուլի քարտուղար Արծրուն Հովհաննիսյանը կարևորեց այս տիպի միջոցառումները և համարեց, որ այս ամենը ունի կարևոր նշանակություն և անպայման կկրի շարունակական բնույթ։

«Նման միջոցառումները շատ կարևոր են մեզ համար, որպեսզի լրագրողները, ովքեր կամա թե ակամա մասնակից են դառնում ռազմական թեմաներին, ավելի մոտիկից ճանաչեն բանակը, ավելի լավ հասկանան զինվորի հոգեբանությունը, մոտենան զինվորին, զենքին, զինվորի գործին, քանզի առանց այդ համալիր պատկերացումների և ընդհանուր գիտելիքների իմացության՝ դժվար է և անհնար բանակին վերաբերող թեմաների լուսաբանումը, որը մեզանում այսօր տարածված է»։

Նելլի Ավետիսյան

{gallery}pol{/gallery}