2021 թվականին Հայաստանը ԵՄ-ից 4 միլիարդ 875,4 միլիոն դրամի դրամաշնորհ է ստացել․ ֆիննախ
Հայաստան
2021 թվականին Հայաստանը ԵՄ-ից 4 միլիարդ 875,4 միլիոն դրամի դրամաշնորհ է ստացել։ Այս մասին Ազգային ժողովում հունիսի 6-ին 2021 թվականի պետական բյուջեի կատարողականի նախնական քննարկման ժամանակ ասաց ՀՀ ֆինանսների նախարար Տիգրան Խաչատրյանը։
Նախարարի խոսքով՝ ընդհանուր առմամբ դա կազմել է տարվա ընթացքում ստացված պաշտոնական դրամաշնորհների մոտ 39.4 տոկոսը։
«Պաշտոնական դրամաշնորհների ընդհանուր գումարը կազմել է 12 միլիարդ 380 միլիոն դրամ»,- ասաց Խաչատրյանը։
Միաժամանակ պետական բյուջեի դեֆիցիտը 2021 թվականին կազմել է 320 միլիարդ դրամ, որից 88 միլիարդ 227 մլն դրամը վարկերն ու այսպես կոչված նպատակային վարկերի հետ կապված վարկերն են։
«Այդ նպատակային վարկերից 19 միլիարդ 403 միլիոն դրամը կամ 22 տոկոսը ստացվել է ԵՄ-ից»,- պարզաբանեց նախարարը։
Ընդհանուր առմամբ ԵՄ-ի վարկերի եւ դրամաշնորհների վրա ծախսվել է 17 միլիարդ 684,8 միլիոն դրամ, որը կազմել է 2 տրիլիոն 4 միլիարդ դրամի միայն 0,9 տոկոսը։
Ամենադիտված 
Մնաս բարյավ. Րաֆֆի Հովհաննիսյան
