ՌԴ-ն միշտ կատարել է իր պատավարությունները․ Կարտապոլովը՝ ՀՀ-ի բանակի վերազինմանն աջակցելու մասին

Ռուսաստանը միշտ կատարել է իր պարտավորությունները դաշնակիցների հանդեպ, և կկատարի դրանք՝ անկախ կողմնակի գործոններից։ Այս մասին Երևանում հայտարարել է ՌԴ Պետդումայի պաշտպանության կոմիտեի ղեկավար Անդրեյ Կարտապոլովը՝ պատասխանելով հայկական բանակի վերազինման հարցում Ռուսաստանի օգնության մասին հարցին։

«Ռուսաստանի Դաշնությունը միշտ կատարել է իր պարտավորությունները իր դաշնակիցների հանդեպ, և կկատարի դրանք` անկախ կողմնակի գործոններից»,- ասել է Կարտապոլովը:

Ինչ վերաբերում է Երեւանում ՀԱՊԿ ԽՎ խորհրդի նիստին, ապա Կատապոլովը քննարկումները օգտակար է համարում: Նրա խոսքով, առաջարկվող նախաձեռնությունները արդիական են և համապատասխանում են այն մարտահրավերներին, որոնց բախվում է կազմակերպությունը պատմական զարգացման ներկա փուլում:

Պետդումայի կոմիտեի ղեկավարը պահանջված է համարում ՀԱՊԿ-ի շրջանակներում խաղաղապահ առաքելությունը։

«Այսօր դեռ վաղ է այդ մասին խոսելը, միևնույն ժամանակ, չի կարելի բացառել, որ հետկոնֆլիկտային փուլում նման անհրաժեշտություն առաջանա, բայց այսօր այդ հարցն օրակարգում չկա»,- նշել է նա։