Տեղի ունեցավ ասմունքի հանրապետական մրցույթ-փառատոնի եզրափակիչ փուլը

Դեկտեմբերի 16-ին Երեւանի Սիամանթոյի անվան թիվ 162 դպրոցում ՀՀ ԱԺ նախագահ Սամվել Նիկոյանի հովանավորությամբ ունեցավ ասմունքի հանրապետական մրցույթ-փառատոնի եզրափակիչ փուլը:

Արդեն չորրորդ անգամ անցկացվող ասմունքի հանրապետական մրցույթ-փառատոնն այս անգամ նվիրված էր արեւմտահայ բանաստեղծներ Պետրոս Դուրյանին, Միսաք Մեծարենցին, Ռուբեն Սեւակին եւ Վահան Թեքեյանին:

Այս անգամ մրցույթ-փառատոնին մասնակցել են Հայաստանի Հանրապետության բոլոր մարզերի, Լեռնային Ղարաբաղի եւ Ջավախքի շուրջ 123.000 աշակերտներ՝ 1522 դպրոցներից:

123000 շնորհալի երեխաներից ժյուրին, որի կազմում են ճանաչված արվեստագետներ, բանաստեղծներ, դերասաններ եւ ուսուցիչներ, ընտրել էր 79 երեխայի, ովքեր այսօր ցուցադրեցին ասմունքելու իրենց ձիրքը:

Նրանցից 18-ն արժանացան ժյուրիի հավանությանը: Մեկ երեխա ստացավ նախատեսված գլխավոր մրցանակը, տարբեր տարիքային խմբերից վեց երեխաներ կիսեցին առաջին եւ երկրորդ տեղերը, իսկ տասնմեկ երեխա արժանացավ խրախուսական մրցանակի:

Դպրոցականները սահմանված մրցանակները կստանան առաջիկայում կայանալիք գալա-համերգի ընթացքում, որը տեղի կունենա Վանաձոր քաղաքում: