The Huffington Post. Կլինի արդյոք պատերազմ Թուրքիայի և Սիրիայի միջև

Անցյալ շաբաթվա ընթացքում Սիրիայի սահմանային հարձակումները Թուրքիայի վրա՝ գլխավորապես այն տպավորությունն էին ստեղծում, թե դրանք լարվածությունը միտումնավոր բարձրացնելու մի պարզ հաղորդագրությններ էին Անկարային և ոչ միայն, առ այն որ այս ճգնաժամը չափազանց պայթյունավտանգ է և հնարովոր է վերաճել արտաքին ռազմական միջամտության, գրում է The Huffington Post-ը:

Մինչդեռ Թուրքիան ի վիճակի է կանգնեցնել ճգնաժամը, դրան հակառակ պայքարն էլ ավելի է թեժանում' նոր կյանք տալով երկար ժամանակ է արդեն ծրագրած քաղաքական լուծման, ըստ որի թուրքերը ծրագրում են նախագահ Բաշար ալ-Ասադի փոխնախագահին' Ֆարուք ալ-Շարաային, դարձնել ժամանակավոր նախագահ, այն դեպքում եթե Ասադը հրաժարական տա:

Դեռևս սեղանին է դրված ռազմական տարբերակը, որն ընդգրկելու է արտաքին ուժերի միջամտությունը, որոնք արդեն իրենց խորը դժկամությունն են արտահայտել ճգնաժամում ներգրավվելու հետ կապված, չնայած այն հանգամանքին, որ 6 օր շարունակ Թուրքիան պատասխան հարվածներ է հասցնում Սիրիայի կողմից ռմբակոծություններին:

«Սիրիան տեղյակ է, որ Թուրիան չի կարող մի քայլ առաջ անցնել: Թուրքական ժողովուրդը չի ցանկանում պատերազմ, և պատերազմի դեպքում չկան կենսական նշանակության շահեր: Սիրիան դա տեսնում է», - նշել է Անկարայի համալսարանի միջազգային հարաբերությունների պրոֆեսոր Ալի Թեքինը:

Սիրիական հակամարտությունը նաև նշանակալից դեր է ստանձնել ԱՄՆ նախագահական ընտրությունների համատեքստում, մի ժամանակ, երբ ԱՄՆ և իր դաշնակիցները մի փոքր ախորժակ են ցույց տվել դրա մեջ ներգրավվելու առումով:

Երկուշաբթի՝ Հանրապետական թեկանածու Միթ Ռոմնին նշել է, որ ԱՄՆ-ն պետք է այլ պետությունների հետ աշխատի' զինելու Սիրիայի ապստամբներին, որպեսզի թողնեն, որ նրանք իրենք Ասադին տապալեն: Նա ուղիղ կերպով կոչ չարեց ԱՄՆ-ին' զինելու Սիրիայի ապստամբներին:

Պարբերականը նշել է նաև այն, որ մի ակտիվիստական խմբի տեղեկացմամբ այս շաբաթվա ընթացքում սպանվածների թիվը հատել է 32 հազարի սահմանը  և այն աճում է: