Էնդոկրինոլոգները տղամարդկանց համար ստեղծել են հակաբեղմնավորիչ հաբեր

Յունիս Քենեդի Շրայվերի Երեխաների առողջության և մարդկային զարգացման ազգային ինստիտուտի ամերիկացի մասնագետները տղամարդկանց համար մշակել են հակաբեղմնավորիչ հաբեր, որոնք նվազեցնում են տեստոստերոնի մակարդակը: Այս մասին նրանք խոսել են ԱՄՆ-ում Էնդոկրինոլոգների միության ամենամյա ժողովում։

Հետազոտությանը մասնակցել է 96 առողջ տղամարդ: 28 օրվա ընթացքում նրանցից ոմանք ստացել են պլացեբո, իսկ ոմանք՝ DMAU և 11-բետա-MNTDC դեղամիջոցներ, որոնք նվազեցնում են տեստոստերոնի մակարդակը, ինչը հանգեցնում է սերմնաբջիջների քանակի նվազմանը։ Մեկ շաբաթվա ընթացքում դեղորայք ընդունող մասնակիցների տեստոստերոնի մակարդակը իջել է նորմայից:

Թեև տեստոստերոնի մակարդակի իջեցումը հղի է կողմնակի ազդեցություններով, հետազոտության մասնակիցների 75%-ը պատրաստ էր շարունակել դեղամիջոցների ընդունումը. ըստ երևույթին, այդ կողմնակի ազդեցություններն ընդունելի էին նրանց համար:

«Ներկայումս տղամարդկանց հակաբեղմնավորիչների ընտրանքները սահմանափակված են վազէկտոմիայով և պահպանակներով, տղամարդիկ շատ ավելի քիչ տարբերակներ ունեն՝ համեմատած կանանց: Արական հակաբեղմնավորման արդյունավետ, շրջելի մեթոդի մշակումը կբարելավի տղամարդկանց և կանանց վերարտադրողական կարողությունները, մեծ ազդեցություն կունենա հանրային առողջության վրա՝ նվազեցնելով անցանկալի հղիության վտանգը և թույլ կտա տղամարդկանց ավելի ակտիվ դեր խաղալ ընտանիքի պլանավորման գործում»,- ասել են մասնագետները:

Գիտնականներն ակնկալում են, որ մոտ ապագայում հնարավոր կլինի հասնել տղամարդկանց համար հակաբեղմնավորիչների ավելի լայն տարածման։