BTS-ի անդամները կբաժանվեն՝ սոլո կարիերա սկսելու համար

Հարավկորեական BTS խմբի անդամները BigHit Music պրոդյուսերական ընկերության հետ կայացած մամուլի ասուլիսում հայտարարել են, որ բաժանվում են սոլո կարիերայի համար։

Ըստ K-pop-ի աստղերի՝ Հոսյոկը կթողարկի առաջին սոլո ալբոմը, այնուհետ Յունգին, նրանից հետո՝ Չունգուկը։ «Դուք մեզ հետ եք արդեն գրեթե տասը տարի։ Մեզանից յուրաքանչյուրին ժամանակ կպահանջվի շեղվելու, շատ նոր բաներ սովորելու համար։ Խոստանում ենք, որ մի օր կվերադառնանք նույնիսկ ավելի հասուն, քան հիմա ենք»,- ասել է Չունգուկը։

Իր հերթին Յունգին ընդգծել է, որ խումբը ոչ թե բաժանվում է, այլ ընդմիջում է անում համատեղ աշխատանքից՝ առանձին զարգանալու համար։