Հայոց Ցեղասպանության 100-րդ տարելիցի միջոցառումները համակարգող հանձնաժողովի նիստ Բրազիլիայում
Արտաքին Քաղաքական
Հոկտեմբերի 8-ին տեղի ունեցավ Հայոց ցեղասպանության 100-րդ տարելիցին նվիրված միջոցառումները համակարգող Բրազիլիայի տարածաշրջանային Կենտրոնական հանձնաժողովի նիստը, որն աննշան փոփոխություններով հաստատեց ընթացիկ տարվա սկզբին ձևավորված վարչության կազմը, քննարկեց հանձնաժողովի առջև կանգնած հիմնական խնդիրներն ու նպատակները:
Վարչության կազմում ընդգրկվել են համայնքային բոլոր հիմնական միությունների, ավանդական կուսակցությունների և կրոնական կառույցների ղեկավարները, Բրազիլիայում ՀՀ դեսպանը, ինչպես նաև Սան Պաուլոյում ՀՀ պատվավոր հյուպատոսը:
Առաջարկվեց ստեղծել նաև օժանդակող հանձնախումբ, որի կազմում կներգրավվեն երկու տասնյակից ավելի համայնքային ակտիվիստներ, իրավաբաններ, գիտնականներ, մշակույթի գործիչներ, որոնք կխմբավորվեն առանձին ենթահանձնաժողովների մեջ' ըստ թեմատիկ ուղղությունների:
Կենտրոնական հանձնաժողովի հաջորդ նիստը կկայանա նոյեմբերի երկրորդ կեսին:
ՈՒՂԻՂ ԵԹԵՐ
Ամենադիտված 
Գլենդեյլաբնակ բժիշկ Վիոլետա Մայիլյանը դատապարտվել է 15 տարվա ազատազրկման՝ բոտոքսի հետ կապված 45 մլն դոլարի խոշորագույն խարդախության համար
