Մանեն բացատրել է, թե ինչու դեռ ամուսնացած չէ

«Լիվերպուլի» հարձակվող Սադիո Մանեն պատմել է, թե ինչու դեռ չի ամուսնացել։ Ապրիլին սենեգալցին դարձավ 30 տարեկան։

«Շատ աղջիկներ ինձ հարցնում են, թե ինչու ես ամուսնացած չեմ, բայց կներեք, դուք պարզապես ժամանակ եք կորցնում: Կինը, որի հետ կամուսնանամ, չպետք է լինի սոցիալական ցանցերում: Ուզում եմ ամուսնանալ մի կնոջ հետ, որը կհարգի Աստծուն և աղոթքները»,-  Թվիթերում Մանեին մեջբերում է լրագրող Ֆրենկ Խալիդը։

Մանեն «Լիվերպուլում» հանդես է գալիս 2016 թվականից։ Նախորդ մրցաշրջանում նա բոլոր մրցաշարերում անցկացրած 51 խաղում դարձել է 23 գոլի և 5 գոլային փոխանցման հեղինակ։