ԱՄՆ-ն պատրաստ է շարունակել համագործակցությունը ԵԱՀԿ Մինսկի խմբում՝ հանուն ԼՂ խնդրի կարգավորման. Քերըն Դոնֆրիդ
Արտաքին Քաղաքական
Չնայած Ուկրաինայի դեմ պատերազմի պատճառով Միացյալ Նահանգները խզել է հարաբերությունները Ռուսաստանի հետ, սակայն Ղարաբաղի հարցում պատրաստ է շարունակել համագործակցությունը ԵԱՀԿ Մինսկի խմբում՝ հանուն խնդրի խաղաղ ու տևական կարգավորման, «Ազատության» հարցազրույցում հայտարարել է ԱՄՆ պետքարտուղարի Եվրոպայի և Եվրասիայի հարցերի տեղակալ Քերըն Դոնֆրիդը։
Նա նշել է, որ ԱՄՆ-ն շարունակում է հավատալ, որ դա շատ կարևոր հարթակ է՝ հատկապես Լեռնային Ղարաբաղի հարցի համար, ու հավաստիացրել, որ Ֆրանսիան, ԱՄՆ-ն և Ռուսաստանը կշարունակեն այդ ձևաչափը։
Պետքարտուղարի տեղակալը հայտնել է, որ Ադրբեջանը չի աջակցում Մինսկի խմբի համանախագահության գործընթացին, բայց Միացյալ Նահանգներն աջակցում և մասնակցում է ու շարունակելու է մասնակցել գործընթացին:
Վաշինգտոնի ներկայացուցչի գնահատմամբ՝ այժմ հնարավորությունների պահ է տարածաշրջանի համար, և Նահանգներն օգնելու է Հայաստանին խաղաղության հասնելու համար։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
