Դեկլան Դոնելլանի «12-րդ գիշեր»-ով կբացվի Շեքսպիրյան միջազգային թատերական փառատոնը

Այսօր ՀՀ մշակույթի նախարարությունում տեղի ունեցավ Վ.Փափազյանի անվան Շեքսպիրյան միջազգային փառատոնի բացման ասուլիսը: Փառատոնը կկայաան հոկտեմբերի 14-29-ը Երևանում: Նրան մասնակցություն են ունենալու Վրաստանի, Իրանի, Մոսկվայի, Հայաստանի թատերախմբերը:

Բացման ասուլիսի հյուրերն էին ՀՀ մշակույթի նախարար Հ.Պողոսյանը, Վ.Փափազյանի անվան Շեքսպիրյան միջազգային փառատոնի նախագահ Հակոբ Ղազանչյանը, Մոսկվայի Ա.Պ. Չեխովի անվան միջազգային համադաշնության նախագահ, Մոսկվայի Չեխովի անվան միջազգային փառատոնի գլխավոր տնօրեն Վալերի Շադրինը, Մոսկվայի Չեխովի անվան փառատոնի աջակցման հիմնադրամի գործադիր տնօրեն Կարինա Ծատուրովան, Թատերական միությունների միջազգային համադաշնության նախագահի օգնական Սերգեյ Մայիլովը, դերասաններ Ալեքսեյ Ֆեկլիստովը, Միխայիլ Ժիգուլովը և Իգոր Յասուլովիչը:

«Ժամանակը սուղ է, միջոցառումները շատ: Մենք իրականացրել ենք շատ ծրագրեր, ՀՀ և ՌԴ նախարարությունների ստորագրությունները ընդհանուր գաղափարի շուրջ, մեր ամենամեծ նվաճումն է, մենք երկու ցուցահանդես ունեցանք անցած տարի: Այս տարի մենք ունենք համատեղ բազմաթիվ ծրագրեր: Այս ծրագիրը ամենադժվարն է, քանի որ պետական ծրագիր չէ, այլ կոմերցիոն: Դա Շեքսպիրյան «12 -րդ գիշեր» ներկայացումն է, որով կբացվի փառատոնը»- ասուլիսը բացեց մշակույթի նախարարը:

«Ես ուզում եմ ներկայացնել այսօրվա հյուրերին, շատ ուրախ եմ, որ Երևանում, հերթական անգամ, համաշխարհային մեծության դեմքեր են միացել մեզ»,-ասաց Ղազանչյանը՝ ողջունելով ու ներկայացնելով հյուրերին: Ապա խոսեց Դեկլան դոնելլանի «12-րդ գիշեր» ներկաայացման մասին, որը տեղի կունենա այսօր, այն ցուցադրվել է գրեթե բոլոր ժամանակակից երկրների բեմերում: Այժմ հերթը հասել է Հայաստանին:

Հյուրերն ասում են, որ երկար ժամանակ են ցանկացել գալ Հայստան ու հայերին ցույց տալ իրենց աշխատանքը, շնորհակալություն հայտնեցին կազմակերպիչներին ու հատկապես նրանց, ովքեր ցանկություն ունեցան, որ այս հանդիպումը կայանա: Այն հանրությանը, որը հասկանում է արվեստի լեզուն, նրանք մոտենում ենք լրջորեն ու նրանց համար շատ հաճելի է դա:

Դերասանները հույս են հայտնում, որ կհասցնեն իրենց բոլոր ներկայացումները: Նրանք անհամբեր են սպասում վաղվա՝ Սևան ու Էջմիածին այցելություններին: