«Թովմասյան» միջազգային հիմնադրամը «Արմաթ» լաբարատորիա կներդնի N143 դպրոցում

«Յուրաքանչյուր ստացված նախագծին հաջորդում է մյուսը, և այդպես շարունակվում են «Թովմասյան» միջազգային հիմնադրամի բարեգործական ծրագրերը:

 

Ինչպես նախապես հայտարարվել էր, հունիսի 1-ին «Դվին» մյուզիք հոլում ցուցադրված «Երազանքների_պահապանները» մյուզիքլից գոյացած ողջ հասույթը ուղղվելու է Երևանի Մովսես Խորենացու անվ. N143 դպրոցում «Արմաթ» ինժեներական լաբարատորիայի ներդրմանը:

 

Այս առիթով հանդիպեցին «Թովմասյան» միջազգային հիմնադրամի նախագահ Արտակ Թովմասյանը և ԱՏՁՄ նախագահ Հայկ Չոբանյանը:

 

Հանդիպման ընթացքում պայմանավորվածություն ձեռք բերվեց ինչպես վերոնշյալ դպրոցում լաբարատորիայի ներդման աշխատանքների մեկնարկի, այնպես էլ ստրատեգիական գործընկերություն սկսելու շուրջ»,- ասված է հաղորդագրությունում: