Պակիստանում զինյալները վիրավորել են 14-ամյա իրավապաշտպան աղջնակի

Պակիստանցի զինյալները կրակել են 14-ամյա Մալալ Յուսաֆզայի վրա, ով պայքարում էր աղջիկների կրթության համար. այս մասին հաղորդում է BBC News-ը։ Փոքրիկ իրավապաշտպանին վիրավորել են դպրոցից տուն վերադառնալու ճանապարհին՝ շրջանի գլխավոր Մինգոր քաղաքում։ Նա իր վրա ուշադրություն հրավիրեց, երբ BBC-ի համար ուրդու լեզվով նյութ գրեց թալիբ գրոհայինների մասին, որոնք իրենց վերահսկողության տակ էին առել դաշտավայրը։ Թալիբներն իրենց հերթին հաստատել են, որ աղջնակի սպանությունը իրենց ձեռքի գործն է։ Բացի այդ՝ նրանք սպառնացել են, որ չեն խնայի իրենց դեմ դուրս եկած և ոչ ոքի։ Նշենք, որ շրջանառվում է միջադեպի մի քանի վարկած։

Զեկույցներից մեկում  նշվում է, որ մորուքավոր մարդը կանգնեցրել է դպրոցականներով լի ավտոմեքենան, կանչել է Յուսաֆզա անունով աղջնակին և կրակել վերջինիս վրա։

Սակայն, ըստ ոստիկանության պաշտոնական վարկածի, անհայտ անձինք կրակ են բացել դպրոցական աղջիկների վրա, որոնք պատրաստվում էին նստել ավտոբուս։ Բացի 14-ամյա աղջնակից՝ հրազենային վնասվածքներ է ստացել ևս երկու դրպոցական աղջիկ։

Նշենք, որ Յուսաֆզան իր նյութը ստորագրել էր այլ անվամբ, սակայն, երբ թալիբները վռնդվել էին Սվատ դաշտավայրից, աղջնակը խիզախության համար արժանացել էր ազգային մրցանակի և առաջադրվել Խաղաղության մանկական միջազգային մրցանակի համար։ Աղջիկը նշել էր, որ ցանկանում է ուսումնասիրել իրավունք և զբաղվել քաղաքականությամբ։