Թուրքիայի ԱԳՆ-ն քննարկել է սիրիական ճգնաժամը Չինաստանի և ԱՄՆ-ի հետ
Թուրքիա
Թուրքիայի ԱԳ նախարար Ամեդ Դավութօղլուն այս երեքշաբթի հեռախոսազրույց է ունեցել ԱՄՆ-ի պետքարտուղար Հիլարի Քլինթոնի և Չինաստանի ԱԳ նախարար Յան Ցզեչի հետ: Կողմերը քննարկել են սիրիական հակամարտությունը թուրք-սիրիական հարաբերությունների լարվածության և սահմանային բախումների ֆոնի վրա. փոխանցում է Todays Zaman-ը:
Թուրք զինվորականներն արդեն 6-րդ օրն է, ինչ հրետանային կրակ են բաց թողնում Սիրիայի ուղղությամբ երկուշաբթի օրը սիրիական կողմից Թուրքիայի տարածքում արձակած արկի պայթյունից հետո:
Թուրքիայի ԱԳ նախարար Ահմեդ Դավութօղլուն և ԱՄՆ-ի պետքարտուղար Հիլարի Քլինթոնը կարծիքներ են փոխանակել Սիրիայի հարևան պետությունների վրա սիրիական հակամարտության հնարավոր բացասական հետևանքների և Թուրքիայի կողմից Սիրիայի տարածքում հրետակոծությունը շարունակելու հարցերի շուրջ. հայտնում են թերթի դիվանագիտական աղբյուրները:
Քլինթոնն իր անհանգստությունն է հայտնել թուրք-սիրիական սահմանային գծում տեղի ունեցող կրակահերթի շուրջ և հայտարարել, որ պաշտպանում է Թուրքիայի որոշումները սիրիական ճգնաժամի հարցում:
Չինաստանի ԱԳ նախարար Յան Ցզեչին Դավութօղլուին հայտնել է, որ հասկանում է Թուրքիայի սահմանային անվտանգության հարցում վերջինիս անհանգստությունը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
